2009年9月27日 星期日

好用深層清潔面膜




清潔皮膚的重要,應該每位女士都明白,但在香港這種人多車多,空氣混濁的地方,皮膚每日受到化妝品,防曬等化學物質污染的情況下,要維持皮膚的清潔就變得相當困難,除了基本的清潔,爽膚,保濕外,一支深層而不會令皮膚變乾的面膜就非常重要.

我用過的同類面膜多不勝數,好似最近hottest的borghese深綠色,kiehl's 亞馬遜泥mask,kose清肌晶黑mask, the body shop blue corn,等等,大部份都屬於同一種特性:乾!!後果就是令皮膚油脂分泌更旺盛, 毛孔更髒,所以大家在選擇清潔mask時必須記緊並非愈乾的deep clear mask愈好, 要以(1)用完唔乾, (2)明顯改善暗粒及粉刺作為2大選購原則.

而我想向大家介紹的就是上面2張圖片內的產品:
(左)orlane b21 purete balancing mask  
(右)Boots Botanics conditioning clay mask

orlane b21 purete balancing mask 
推薦指數:*****

這支DEEP CLEAN MASK最優秀的地方在於其保濕及清潔合於一身,MASK的質地是GEL+乳霜狀,內有豐富的微粒,簡單用手指平均地揸上面,等15-20分鐘,就會變得稍為乾身的GEL狀,即可洗淨。因為佢不是泥,所以不會帶面部水份,相反,FU完是有潔淨但保濕的感覺。我因為比較易長瘡,所以一個星期平均用3次,明顯暗粒會減少,我試過皮膚突然長出很多暗粒時連FU了7日,暗粒完全消失,效果很理想,值得一試。

不過要注意,ORLANE的SALES很煩人,會不停游說購買其他產品,各位要有心理準備。

Boots Botanics conditioning clay mask 
推薦指數:****
不同於ORLANE的MASK,BOOTS這支就是傳統的泥MASK,成份有牛蒡及一些礦物質,含負電極具離子淨化功能,可以淨化細胞,中和毒素,雜質及油脂等有害物質,深層潔淨肌膚,保持毛孔暢通。FU 10-15分鐘後泥會變乾,用水清淨即可。我用完後肌膚並無乾或者不適的感覺,反而感覺皮膚變得平滑及乾淨,毛孔內的污垢亦清理掉,而且對抑制暗瘡非常好,如果皮膚有蘊釀中的暗瘡,以及是長出來的明瘡都可以連fu 1,2日,暗瘡會明顯凋謝。

我身邊有多位朋友都長用此mask,每位都大讚其功效,最重要的是此mask只需用$100多元,如果你有朋友在英國,那更可搭單買,因為在英國當地只售$4.39磅(約港幣$60左右),非常化算。 

2009年9月25日 星期五

史上最好用既去暗瘡用品 - DERMA-RX

因為我皮膚偏油,又薄, 所以好容易生暗瘡, 特別係夏天呢種濕熱既季節, 基本上暗瘡係可以一日生一粒.
對於咁貪靚既我絕對係一種折磨! 不過, 最近經醫生介紹, 用左一隻叫"DERMA-RX" 既醫學美容品牌,
醫生話呢隻係一個幾耐歷史既美國護膚品牌, 佢有3支野係FOR暗瘡用既, 叫COMEDONE FORMULA(CF),
BLEMISH FORMULA (BF) 同BLEMISH SPOT (BS), 佢最好既特點就係成份天然, 以草本精華去疏通毛孔同殺菌,
最重要係冇任何類固醇, 酒精同抭生素, 所以將佢當做長期既護膚品都冇問題.

雖然佢講到咁好, 但其實我都真係半信半疑咁買左, 反正又唔係好貴, 成份又安全, 都可以試下既.





上面黃黃地果支就係毛孔細緻淨膚液 *COMEDONE FORMULA*, 根據佢個成份表, 大部份都係D植物精華,好似百里香, 大牛蒡, 白樺葉......佢主要係防止皮膚既油脂分泌去阻塞毛孔, 從而減少黑頭,粉刺.

而白色果支就係抭菌暗瘡治療液 *BLEMISH FORMULA*, 主要都係D天然成份, 好似青瓜, 金縷梅, 呢支就係FOR殺暗瘡菌, 令D暗瘡成唔到形, 同埋防止暗瘡惡化.

而家我已用左成一個月, 早晚一次, 基本上已經冇再生暗瘡, 粉刺就偶然會有一, 兩粒, 黑頭就冇咩分別, 其實個效果真係幾神奇, 再者, 我幾BUY呢隻野既地方係佢揸完唔係淨係收哂你皮膚既水份同油份, 相反黃色果支係帶有少少油份, 而白色就係好似乳液咁, 揸左都唔會覺得好DRY, 就算係一早要出街, 揸左呢兩支就可以揸防曬出街, 就算化妝都OK, 唔會DRY, 唔會紅, 唯一係呢兩支野既味道都唔太好, 有D草藥既臭味, 價錢方面就係約$400-$500, 大家如果有興趣可以問下自己既皮膚醫生(呢隻市面上好少見, 要買就要經醫生).

呢個係佢既WEBSITE: http://www.derma-rx.com/VIII/Index.html